ශිරාණි බණ්ඩාරනායක මහත්මියට එරෙහිව පාර්ලිමේන්තු විශේෂ තේරීම් කාරක සභාව ක්‍රියාත්මක වූ අයුරු හා ඉදිරියේදී ගතයුතු තීන්දු හා තීරණ පිළිබඳ සාකච්ඡා කිරීමට ලබන සෙනසුරාදා (15දා) විශේෂ මහසභා රැස්වීමක් කැඳවීමට ශ්‍රී ලංකා නීතිඥ සංගමය තීරණය කර තිබේ. සෙනසුරාදා (8දා) පැවැති ප්‍රාදේශීය නීතිඥ සංගම් නිලධාරීන්ගේ රැස්වීම සඳහා ශ්‍රී ලංකා නීතිඥ සංගමයේ සභාපති ජනාධිපති නීතිඥ විජේදාස රාජපක්‍ෂ මහතා ඇතුළු නිලධාරීන්ද එක් වූ අතර එහිදී පවතින තත්ත්වය හමුවේ නීතිඥයන් වශයෙන් ගතයුතු විරෝධතා පියවර පිළිබඳ සාකච්ඡා කෙරී ඇත. මෙහිදී ජේ‍යෂ්ඨ නීතිඥ උපුල් ජයසූරිය මහතා යෝජනාවක් ඉදිරිපත් කරමින් පවසා ඇත්තේ අගවිනිසුරුවරිය ඉවත් කිරීමට රජය තීරණය කළහොත් ඉන්පසු අගවිනිසුරුවරයා ලෙස කවුරුන් පත් කළත් ඔහු හෝ ඇය පිළිගැනීමට නීතිඥවරුන් ක්‍රියා නොකළ යුතු බවයි. එමෙන්ම නව අගවිනිසුරුවරයකු පත් කළහොත් ඔහු හෝ ඇය ශ්‍රී ලංකාවේ අගවිනිසුරු හැටියට නොපිළිගන්නා ලෙස පොදු රාජ්‍ය මණ්ඩලයීය සංවිධානයෙන්, එක්සත් ජාතීන්ගේ සංවිධානයෙන් හා ජාත්‍යන්තර නීතිඥ සංගමයෙන් ඉල්ලා සිටීමටත් මෙහිදී යෝජනා වී තිබේ. |
වෙලා
Monday, December 10, 2012
නීතිඥ සංගමය හදිසි මහ සභාවක් කැඳවයි
Subscribe to:
Post Comments (Atom)
No comments:
Post a Comment